नेपालका ३१ हात्तीमा क्षयरोग लक्ष्यण

 चितवन बैशाख३१ - नेपालभरी रहेका हात्ती मध्ये ३१ हात्तीहरुमा  क्षयरोगका लक्षण देखा परेको छ । क्षयरोग लागेका हात्तीहरुमध्ये १९ वटामा मात्र अहिले उपचार भैरहेको छ।चितवनको सौराहाका होटल व्यावसायीहरुले पाल्दै आएको हात्तीहरुमा भने उपचार हुन सकेको छैन ।

औषधि सहयोग पाएको खण्डमा निजी हात्तीहरुलाई पनि उपचार गर्न सकिने हात्ती व्यवसायीहरु वताउँछन् ।
हात्तिहरुमा क्षयरोगका लक्षण देखिएपनि खर्चको अभावमा उपचार हुन सकेको छैन् । क्षयरोग सरुवा रोग भएका कारण सवै हात्तीलाई एकैसाथ उपचार नभए रोगको प्रकोप बण््ने तथा रोग नियन्त्रण हुन नसक्ने उपचारमा संलग्न डा। जीवन थापा बताउनुभएको छ । राष्ट्रिय निकुञ्ज तथा वन्यजन्तु विभागको तथ्यंक अनुसार नेपालमा जम्मा २ सय भन्दा वढी हात्तीहरु रहेको छ ।

क्षयरोग लागेका हात्तीहरु मध्ये १९ वटालाई चितवन राष्ट्रिय निकुञ्ज भित्र क्षयरोग लागेका १९ वटा हात्तीलाई अलग्गै राखेर गत साल देखि उपचार गराईएको छ । उपचार भईरहेको हात्तीहरुको स्वस्थ्य क्रमिक रुपमा सुधार आउदै गएको उपचारमा संलग्न प्रविधिकहरु वताउँछन् । प्रत्यक हात्तीको उपचाचरका लागि न्युनतम ३ लाख  खर्च प्रति बर्ष लाग्ने डाक्टरहरुको भनाई छ ।