प्रेम साटन इलाम आउनु

युवराज गौतम

इलाम/ हरियाली चियावारी र कोणधारी सल्लाघारीको तस्वीर मात्र देखेका राजधानीको आरआर क्याम्पसमा अध्ययनरत महेश गौतम र जवा शिवाकोटीको जोडी यसपाली इलाम यात्राको योजना वनाएका छन् । राजधानीको कोलाहलबाट केही समयका लागि मुक्त हुन र प्रेमलापको मजा लिन उनिहरुले एकमहिना अघि इलाम यात्राको योजना बुनेका हुन् । चियावारी र सल्लाघारीभित्र सितल ताप्दै प्रेम साटने जोडीलाई इलामको एउटा अब्बल गन्तब्य बनेपछि महेश र जवा जस्तै जोडीका लागि यहाँका हरेक थुम्का थुम्कामा रहेको चियावारी, कोडधारी सल्लाघारी र स्वच्छ हावापानीप्रति आकषिर्त तुल्याएको छ ।

मुलुकमा शान्ति स्थापना भएपछि दैनिक यहाँका हरिया चियावारी डाँडामा प्रेमजोडीहरु भेटन सकिन्छ । यतिवेलाको मौसम सामान्य भएपनि पारिलो घामले जोडीहरुलाई आनन्द दिएको छ । मौसममा आएको परिवर्तनले चियाका बुट्टाहरुमा थप हरियाली छाएको छ । चियाका बुट्टामा छलिएर र सल्लाघारीभित्र लुकेर मजा लिनेको संख्या बढदै गइरहेको छ । बनभोजका लागि अब्बल गन्तब्य वनेको पूर्वञ्चलको चर्चित स्थल कन्याममा सबैभन्दा बढीको संख्यामा प्रेमजोडीहरु भेटन सकिन्छ । प्रेमजोडीहरु मेचीराजमार्ग मार्फत् मोटर साइकलमा लिपिक्कै टासिएर कन्याम यात्रामा हुन्छन् । राजधानीबाट इलाम यात्रामा निस्कने महेश र जवाले पनि पहिलो रोजाइ कन्यामलाई बनाउनु अनौठो चाहीं होइन् । उनिहरुभन्छन-'फोटोमा हेर्दा र अखवारमा पढदा त कन्याम नै उपयुक्त छ जस्तो छ ।'

इलाम जिल्लाका हरेक डाँडाँलाई चियावारीले भरिएकोले प्रेमजोडीका लागि उपयुक्त स्थान भएको छ । पशुपतिनगर, बौद्धधामको सल्लाघारी, पञ्चकन्या मन्दिरको दर्शन र नजिकै करफोकको सल्लाघारी साथै इलामसदरमुकाममा रहेका चियावारी अनि त्यसवीचमा रहेको लभडाँडो पनि प्रेमजोडीका लागि उचित छ । चियावारी ठूलो क्षेत्रफलमा फैलिएकाले प्रेमजोडीलाई जस्तोसुकै क्रियाकलाप गर्न पनि अप्ठेरो छैन् । तर समाजलाई नपच्ने दृश्यहरु गर्ने प्रबृत्ति वढदै गइरहेको प्रति कन्यामका पर्यटनकर्मी अनिष र्राई दुख व्यक्त गर्छन् । उनि भन्छन-'स्थानिय समाजलाई नपच्ने दृश्यले विकृति भित्राएको छ, त्यसलाई रोक्ने कुनै संयन्त्र छैन ।' हुन पनि घुम्न आएका पर्यटकलाई अवरोध गरे व्यवसायलाई नै अवरोध पुग्ने सरोकारवालाहरुको ठम्याइ छ । भारतीय पर्यटकहरु बढीमात्रमा आउने सिमावर्ती अन्तुडाडो र त्यसक्षेत्रका चियावारी, सल्लाघारी पनि प्रेमजोडीका लागि उचित गन्तव्य हो । सबै किसिमका पर्यटकको रोजाइ कन्याम नै रहे तन्नेरीहरुका लागि झनै उपयुक्त स्थानका रुपमा गनिन्छ । प्रायजसो तन्नेरीहरु मोटरसाइकलमा हुइकीएर आउने गरेका छन् ।

। स्थानिय लेखनाथ दाहाल भन्छन-'मोटरसाइकल एकछेउमा राखेर जोडीहरु चियावारीमा हराउने गर्छन,'यतिवेला पनि २० देखि २५ वटासम्मको समूह मोटरसाइकलमा आउछन अझ गाडीमा त कति हो कति ।'
इलामका हरेक जसो स्थानहरु धेरै उचाइमा रहेकाले तराइका फाँटहरु, हिमश्रृखला साथै हरियाली दृश्यहरु हेर्न पाइने भएकाले बार्‍हैकाल पर्यटकहरु आउने गर्छन् । चियावगानमा मजा लिन आउने पर्यटकले नेपाली चियाको इतिहास,यसको खेती तौर तरिका, किसानको जीवनस्तर, मुना टिप्ने तरीका, कारखानाहरु र त्यसमा चिया प्रशोधन गर्ने तरिकाका वारेमा बुझाएर लामो समय सम्म पर्यटक भुल्याउन काम थाल्नु पर्ने टि-टुरिज्मको प्रवर्दन गरिरहेको संस्था 'शान्ति र विकासका लागि सञ्चार मञ्च'का महासचिब तोयानाथ भट्टराईको भनाइ छ ।

इलाम आउने जोडीका लागि विश्वासिलो धार्मिक स्थल पाथिभरा देवी प्रमुख मानिन्छ । पाथिभरा आइपुगेका जोडी देवीलाई दर्शन गरेर कसम खाने गर्छन, कतिपयले देवीलाई नै साछि राखेर लगनगाँठो बाध्ने गर्छन् । पाथिभरामा आएर वाषिर्क पचास भन्दा वढी जोडीले लगनगाँठो बाध्ने गरेको स्थानीय गोपाल निरौलाले वताए । पाथीभरा देवीको दर्शन पछि करिब तीन किलोमिटर मात्र टाढा रहेको कन्याम चियावारीमा प्रेमजोडीहरु हराउने गर्छन् । प्रेमजोडीका लागि उपर्युक्त गन्तव्य वन्दै गएको इलाम पर्यटन विकासमा पनि उचाइ लिदै गइरहेको छ ।
भिरालो जमीन, ओसिलो भुभाग, हरियाली चियावारी, आधुनिक जिवनशैली र स्वच्छ हावापानी भएको पारिपट्ट दार्जिलिङ पनि लभजोडीका लागि उपयुक्त स्थान हो । दार्जिलिङका हरेकजसो स्थानहरु पर्यटकिय भएकाले जोसुकैलाई उपयुक्त छ । दार्जिलिङको रकगार्डेन, चौरस्था, बतासे लुप, मिरिक झिल, ओकाइटि चियाकमान लगायतका क्षेत्र आकर्षक गन्तव्य हुन् । नेपालका अधिकासं क्षेत्रबाट  इलाम पुगेका मानिसहरु दार्जिलिङ नपुगी र्फकदैनन् । झनै लभजोडीका लागि दार्जिलिङ अब्बल गन्तव्य हो । झापाको काकडभिट्टा नाका र इलामको पशुपतिनगर नाकामार्फ दार्जिलिङ प्रवेश गरेपछि यहाका हरेक जसो स्थलहरु आकर्ष छन् ।