राष्ट्रिय पौडी शैलेशलाई पाँच स्वर्ण

काठमाडौ, भाद्र २१ - शैलेश राणाले पहिलो एनएसए राष्ट्रिय खुला तथा उमेर समूह पौडी च्याम्पियनसिपमा आइतबार पाँच स्पर्धामा स्वर्णपदक जितेका छन् ।

चीनमा हुने १६ औं एसियाली खेलकुदका लागि छनोट हुन सफल शैलेशले पहिलो दिन ६ स्पर्धामा प्रतिस्पर्धा गरे । उनले एक सय मिटर ब्याकस्ट्रोकमा भने दोस्रो स्थान हासिल गरे ।

शैलेशले दुई सय मिटर फि-स्टायल, एक सय मिटर बटरफ्लाई, दुई सय मिटर इन्डिभिजुअल मिड्ले र एक सय मिटर ब्याकस्ट्रोकमा पहिलो स्थान हात पारे । उनले दुई सय मिटर फ्रि-स्टायलको दूरी २ मिनेट २८:३८ सेकेन्डमा पूरा गरे । उक्त स्पर्धामा नेपाली सेनाका दिलीप थापामगर दोस्रो तथा बाबाका प्रवेश अधिकारी तेस्रो भए । दिलीप र प्रवेशबीच कडा प्रतिस्पर्धा भयो । दिलीपले २ मिनेट ३६:०९ सेकेन्ड र प्रवेशले २ मिनेट ३६:९७ सेकेन्डमा निर्धारित दूरी पूरा गरेका थिए ।

एक सय मिटर बटरफ्लाईमा शैलेशको समय १ मिनेट ११:५४ सेकेन्ड रह्यो । दोस्रो स्थान हासिल गरेका सेनाका भीमबहादुर केसीले १ मिनेट १७:४७ सेकेन्ड तथा तेस्रो भएका बनिन सहेन्सा श्रेष्ठले १ मिनेट १८:९३ सेकेन्डमा निर्धारित दूरी पार गरे ।

चार सय मिटर फ्रि-स्टायलमा शैलेशले ५ मिनेट १५:९४ सेकेन्डको समय निकाले । दोस्रो भएका प्रवेशले ५ मिनेट ४१:९१ सेकेन्डमा पौडी पूरा गरे भने चाँदबागका शिरीष गुरुङले ५ मिनेट ४३:८८ सेकेन्डसाथ तेस्रो स्थान ओगटे ।

दुई समय मिटर इन्डिभिजुअल मिड्लेमा शैलेशले २ मिनेट ४९:८४ सेकेन्ड, बनिनले २ मिनेट ५४:२५ सेकेन्ड तथा शिरीषले २ मिनेट ५५ सेकेन्डसाथ क्रमश: शीर्ष तीन स्थान हासिल गरे । एक सय मिटर ब्याकस्ट्रोकमा शैलेशको समय १ मिनेट १४:२२ सेकेन्ड रह्यो । बनिन १ मिनेट २१:०४ सेकेन्डमा दोस्रो तथा सेनाका किसिमलाल थारू १ मिनेट २१:९४ सेकेन्डसाथ तेस्रो भए ।

शैलेशलाई एक सय मिटर ब्याकस्ट्रोकमा भने सेनाका पुष्पराज शाहीले पछि पारे । पुष्पले १ मिनेट १५:०३ सेकेन्ड र शैलेशले १ मिनेट १९ सेकेन्डमा निर्धारित दूरी पारगरे । १ मिनेट २१:४७ सेकेन्डसाथ आर्मीका किसिमलालले तेस्रो स्थान हासिल गरे ।

एसियाडमा छनोट भएकी शैला राणाले तीन स्पर्धामा स्वर्ण जितिन् । उनले दुईमा दोस्रो स्थान हासिल गरिन् । दुई सय मिटर फ्रि-स्टायलमा शैलाले २ मिनेट ३९:९७ सेकेन्डमा दूरी पूरा गरिन् । उक्त स्पर्धामा ओसिन भारती र श्रेया धितालले दोस्रो तथा तेस्रो स्थान हासिल गरे । शैला एक सय मिटर ब्याकस्ट्रोकमा १ मिनेट २२:३१ सेकेन्डसाथ पहिलो भइन् । ओसिन र लिंकनकी श्रेयाले क्रमश: दोस्रो तथा तेस्रो स्थान हासिल गरे ।

दुई समय मिटर इन्डिभिजुअल मिड्लेमा पनि तीनै खेलाडी शीर्ष स्थानमा रहे । शैलाले ३ मिनेट ०३:०३ सेकेन्डमा निर्धारित दूरी पूरा गरिन् ।

यस्तै उमेर समूहअन्तर्गत ११-१२ वर्ष ब्वाइज ५० मिटर बटरफ्लाईमा चाँदबागका शिरीष गुरुङले पहिलो स्थान हासिल गरे । उक्त स्पर्धामा लिटिल एन्जल्सका शिशिर थापा र संरक्षण थापा दोस्रो तथा तेस्रो भए । उक्त स्पर्धाको गल्र्समा बि्रटिसकी अदीति घिमिरे पहिलो, अञ्जली स्याङ्बो दोस्रो तथा लिंकनकी अदीति ढकाल तेस्रो भए ।  शिरीषले ५० मिटर ब्याकस्ट्रोकमा पनि स्वर्ण जिते ।

खुला एक सय मिटर महिला बटरफ्लाईमा आसिन पहिलो भइन् । उनले १ मिनेट २२:०९ सेकेन्डमा निर्धारित दूरी पूरा गरिन् । शैला र श्रेया दोस्रो तथा तेस्रो भए ।  ओसिनले एक सय मिटर ब्रेस्टस्ट्रोकमा पनि पहिलो स्थान हासिल गरिन् ।source:ekantipur