परनिर्भर नेपाल भाग्यको खोजीमा

काठमाण्डौ, २४ मसिर- छैटौं साफ च्याम्पियनसिप फुटबल प्रतियोगितामा नेपालले आज लिग चरणको अन्तिम खेल अफगानिस्तानसँग खेल्दै छ।

सेमिफाइनलको ढोका उर्घार्ने न्यून सम्भावनाका साथ साफ च्याम्पियनसिपको कान्छो टोली अफगानिस्तानलाई फराकिलो अन्तरले पराजित गर्न आज नेपाल लालायित देखिनेछ। समूहचरणका दुइ खेलमा पराजय भोगेर प्रतियोगिताबाट बाहिरिसकेको अफगानिस्तान भने अन्तिम खेलमा प्रतिष्ठा जोगाउनकै लागि मैदानमा उत्रनेछ।

सेमिफाइनलयात्रा तय गर्न नेपालमाथि अफगानिस्तानलाई कम्तीमा तीन गोल अन्तरले हराउनैपर्ने दबाब छ भने अर्को खेलमा भारतले माल्दिभ्सलाई निराश पार्नुपर्नेछ। यद्यपि नेपालको सफलतासँगै माल्दिभ्स भारतमाथि जित दर्ता गर्न सफल भइहाले वा बराबरीको नतिजा मात्र निकाले पनि नेपालले प्रतियोगितालाई निराश रूपमा बिदा गर्नेछ।

नेपालले हालसम्म एसियाली फुटबल महासंघ ९एएफसी० को मान्यताप्राप्त एसियन छनोट चरणको खेलमा २०६० सालमा काठमाडौंमा अफगानिस्तानविरुद्ध खेलेको थियो। त्यसमा नेपालले ४-० को नतिजा निकालेको थियो। यसै प्रतियोगिताका दौरान भारत र माल्दिभ्सविरुद्ध गरेको प्रदर्शन मात्र दोहोर्याउन सके पनि नतिजा नेपालको पक्षमा हुन सक्ने सम्भावना प्रबल छ। भारतविरुद्ध १-० तथा माल्दिभ्ससँग ३-१ ले नतिजा सुम्पिएको अफगानिस्तानसमेत दुभाग्यशाली टोलीमा गनिएको छ।

शारीरिक रूपमा सबल देखिएका अफगानीको रणनीतिक कमजोरीको फाइदा उठाउन सके परिणाम नेपालको पक्षमा आउने देखिन्छ। यसअघि खेलिएका दुवै राष्ट्र विश्व फुटबल महासंघ -फिफा० वरीयताक्रममा नेपालभन्दा धेरै माथि छन्। अफगानिस्तान भने नेपालभन्दा १६ स्थान तल १ सय ८९औं स्थानमा छ।