'सुगौली सन्धीपछिकै खतरानाक अवस्था'

गोरखा, भाद्र १८ - माओवादी उपाध्यक्ष बाबुराम भट्टराईले नेपालको वर्तमान अबस्था विश्वकै नौलो र निकै जटिलपूर्ण भएको बताएका छन् । उनले अहिलेको अवस्था सुगौली सन्धीपछि जस्तै खतरनाक रहेको बताए । ब्यबस्थापिका संसदबाट पाँच पटक सम्म प्रधानमन्त्री चयन गर्न नसकी मुलुक अनिर्णयको बन्दी बनाएकोप्रति भट्टराईले उक्त कुरा बताएका हुन् । गोरखास्थित द्रब्यशाह बहुमुखी क्याम्पसको रजत महोत्सब उदघाटन कार्यक्रममा शुक्रबार विहान बोल्दै उनले छैठांै पटकको निर्वाचनले समेत प्रधानमन्त्रीको टुंगो नलाग्ने दावी गरे । 'नेपालको अहिलेको अबस्था सुगौली सन्धिपछिकै भयानक र खतरनाक देखिएको छ' भट्टराईलेले भने 'त्यतिबेला शासनका लागि जंगबहादुरको जन्म भएको थियो । प्रधानमन्त्री चयन हुन नदिने बाताबरण सृजना गरेर अहिलेपनि त्यस्तै मान्छे जन्माउने तयरी गरिदैछ ।'

राजतन्त्रप्रति संकेत गर्दै उनले पुराना संरचना हटिनसकेको र नया संरचना समेत राम्रोगरी निमार्ण भई नसकेको अबस्थामा प्रधानमन्त्रीकै लागि छ पटक सम्म चुनाब हुनु दुर्भाग्यपुर्ण भएको बताए । प्रधानमन्त्री नचुनिनु रुपमा सामान्य कुराभए पनि सारमा भने निकै जटिलपुर्ण भएको उनले बताए । देशी बिदेशी लागेर प्रधानमन्त्री चुन्न नसकेको कारण देखाउदै उनले संबिधानसभा बिघटन गर्ने तयारी भइरहेको जनाए । 'राष्टपतिमार्फत वा फौजी तानाशाह मार्फत गणतन्त्र, संघियता, धर्मनिरपेक्ष लगायतका बिषय खोस्ने तयारी हो' उनले भने ।

मुलुकलाई सहज निकासका लागि माओवादीको नेतृत्वमा संयुत्त राष्ट्रिय सरकार बन्नुपर्ने धारण उनको थियो । महिनैपिच्छे गृहजिल्ला गोरखा आउने गरेका भट्टराईले मुलकुलाई सहज निकास दिनका लागि कांग्रेसलाई उम्मेदवारी फिर्ता लिन भनेपनि नमानेको बताए । 'हाम्रो पार्टीले पटक पटक उमेद्वारी फिर्ता लिएर अगाडि बढ्औ भनेको छ' उनले भने, 'यस बिषयमा कांग्रेस सहमत नहुनु गैरजिम्मेवारपनि कुरा हो । जसले मुलुकलाई गम्भीर दुर्घट्नातर्फ धकेल्दैछ ।

News : ekantipur