उपराष्ट्रपतिको भ्रमण खर्च सरकारले नवेहोर्ने, बरिष्ठ पत्रकार सम्मान अक्षय कोष स्थापना निर्देशिका पारित

काठमाण्डौ, २६ फागुन- उपराष्ट्रपति परमानन्द झाले गर्ने भनिएको भारत भ्रमणको खर्च सरकारले नवेहोर्ने भएको छ ।

 आज बिहान बसेको मन्त्रीपरिषदको नियमति बैठकले उपराष्ट्रपतिको भ्रमण निजी भएको भन्दै सो खर्च उनलेनै वेहोर्नु पर्ने निर्णय गरेको पर्यटन मन्त्री शरद सिह भण्डारीले सञ्चारकर्मीहरूलाई जानकारी दिएका छन् । यध्पी बैठकले  उपराष्ट्रपतिको सुरक्षार्थ खटिएका सुरक्षाकर्मीहरूको खर्च भने सरकारले व्यहोर्ने निर्णय गरेको बताए । आज बाट धार्मिक भ्रमण गर्न लागेका उपराष्ट्रपति झाले आफ्नो भ्रमण खर्चका सम्बन्धमा मन्त्रीपरिषदमा जानकारी गराएपछी सो सम्बन्धमा सरकारले उनको भ्रमण खर्च सम्बन्धमा यस्तो निर्णय गरेको हो । 

यस्तै सरकारले पत्रकारको सम्मानार्थ पत्रकार सम्मान अक्षय कोष निर्देशिका र द्धन्द्धपीडित पत्रकारिता कल्याण कोष निर्देशिका पारित गरेको छ । यस्तै मन्त्रीपरिषदको बैठकले सूचना प्रविधि नीति २०६६ समते पारित गर्नुका साथै शहिद परिभाषा गर्न गठन गरिएको कार्यदलको म्याद समेत थप्ने निर्णय गरेको गरेको छ । साथै मन्त्री परिषको बैठकले इजरायल-नेपाल निजि क्षेत्रको सहयोग आदान प्रदान प्रस्तावलाई अनुमोदन गर्नुको साथै श्रेणी विहिन विभिन्न कर्मचारीहरूको सुविधामा समेत बृद्धि गर्ने निर्णय गरेको छ ।