लेखका कारण शिर्ष कमाण्डरलाई पद च्युत गरे ओबामाले

काठमाण्डौ, १० असार- एक पत्रिकामा अमेरिकी प्रशासन र अधिकारीहरूको आलोचना गरेका मैक क्रिष्टललाई राष्ट्रपति बाराक ओबामाले पदच्युत गरेका छन् ।

अफगानस्तानमा सैन्य प्रमुखको जिम्मा पाएका क्रिष्टलको स्थानमा जनरल डेविड  पेट्रयूसलाई ओवामाले नियुक्ति गरेका छन् ।
पेट्रयूसले  यस अघि इराकमा कुसलतापूर्वक सैन्य सेवा निर्वाह गरिसकेका थिए ।  विभन्न समाचार एजेन्सीहरूका अनुसार बुधबार बिहान  राष्ट्रपति ओवामा र पद च्यूत भएका मैकक्रिष्टलबीच सोही विषयमा झण्डै आधा घण्टा छलफल भएको थियो ।

एजेन्सीहरूले दिएको जानकारी अनुसार राष्ट्रपति ओवामाले भनेका छन कि, "मैकक्रिष्टललाई हटाउनु एक अफसोस हो, तर अफगानस्थान, अमेरिकी मिसन, अमेरिकी सेना र अमेरिकाकालागि यो जरूरी थियो ।"  अफगानस्थान प्रति लक्षित गर्दै उनले भने "यो व्यक्तिमात्र परिवर्तन हो, नीति परिवर्तन हैन । "

क्रिष्टलले रोलिङ्ग स्टोनमा छपाएको आफ्नो लेखमा प्रशासन र अधिकारीहरूलाई आलोचित गरे पनि उनले अस्ति मंगलबार

"लेखमा गलत आकलन भएछ, जो नहुनु पर्ने थियो"  भन्दै र्सार्वजनिक रूपमा माफी मागसिकेका थिए ।