महिनावारी हुदा मुख्यत कुनकुन कुरामा ध्यान दिनुपर्छ ?

महिनावारी हुदा मुख्यत निम्न कुरामा ध्यान दिनु पर्छ ।

 

क) पहिलो पटक कुनै किशोरीलाई  महिनावारी हुदा कठिनाई भएमा कुनै अनुभवी समझदार साथी, दिदी, भाउजु, आमा वा फुपुसंग सल्लाह लिनुपर्छ  । आफ्नी किशोरी छोरीलाई यस सम्वन्धमा सही ढंङ्गले व्यवहारिक सल्लाह दिनु आमाको कर्तव्य हो । आमाले ध्यान नदिएमा छोरीले आफ्नै आमा संग सोध्नमा कुनै संकोच मान्नु हुदैन ।

ख) सफाई र स्वच्छतामा पूरा ध्यान दिनुपर्छ   स्यानिटेरी प्याड प्रत्येक दिन फेर्नुपर्छ   । स्यानिटेरी प्याड किन्ने आर्थिक अवस्था छैन भने मखमलको वा सुतीको  कपडा प्रयोग गर्न सकिन्छ ।

ग)  सक्नुहुन्छ भने हरेक चोटी पिसाब फेरिसकेपछी डिटोल दुई  थोपा मिसाएर सफा पानीमा भिजाएको कपासले योनी सफा गर्नुपर्छ । यसो गर्नाले संक्रमण हुनबाट बच्न सकिन्छ ।

घ)  प्रत्येक दिन अवश्य स्नान गर्नुपर्छ । मौसमअनुसार चिसो वा तातो पानी प्रयोग गर्नुपर्छ । धेरै रक्तस्राव हुने स्त्रीले तातो पानीले स्नान गर्नुभन्दा चिसो पानीलेनै स्नान गर्नु वेश हुन्छ ।

ङ)धेरै रगत बगेमा पल्टेर आराम गर्नुपर्छ र स्पन्चले योनी सफा गर्नु पर्छ ।

च्)साधारणतया महिनावारीको अवस्थामा पनि स्कूल, क्याम्पस, अफिस र घरको समान्य कामकाजमा व्यस्त रहन सकिन्छ । तर धेरै परिश्रम पर्ने काम वा धेरै थकाई लाग्ने काम गर्नु हुदैन । जाडो याममा चिसोबाट बच्नुपर्छ  ।

छ)  भोजन  हल्का र सन्तुलित हुनुपर्छ  । धेरै चिल्लो, पिरो र मसलाद्धार खानेकुरा सकेसम्म खानु हुदैन ।