सिडी चढाउन आलोक मुक्तिनाथमा

काठमाण्डौ, २५ साउन-  आफ्नो भाकल पूरा गर्न निर्देशक आलोक नम्वाङ्गले मुक्तिनाथ बाबालाई सिडी चढाउदैछन् ।

 समुद्र सतहबाट ३,७१० मिटरको उचाईमा मुस्ताङको रानीपौवा नजिकै रहेको मुक्तिनाथ बाबाको मन्दिरमा चलचित्र कोही मेरोको गिती एल्बमको सिडी उनले भाकल गरे अनुरूप आज चढाउदैछन् । मंगलबार एक सहकर्मीकासाथ काठमाण्डौबाट  जोमसोम हुदै  मुक्तिनाथ प्रस्थान गर्नु अघि उनले सो जानकारी दिएका हुन ।

छोटो समयमा नेपाली निर्देशकहरूको भिडमा छुट्टै पहिचान बनाउन सफल भएका यि धार्मिक निर्देशकद्धारा  निर्देशित दोस्रो चलचित्र 'कोही मेरो' को छायाकंन पनि सोही क्षेत्रमा भएको भन्दै उनले कोही मेरोको प्रदर्शन अगाडी एक चोटी त्यहाँ दर्शन गर्न आउने  बाचा  गरेका थिए । जस अनुरूप आगामी भदौको पहिलो साता चलचित्र प्रदर्शनमा आउने भएपछी उनी आफ्नो त्यो वाचा पूरा गर्न त्यसतर्फ हानिएका हुन ।