'कोही...'मेरो' को टिम प्रति सञ्चारकर्मी असन्तुष्ट

काठमाण्डौ, ४  साउन- मुभिज डट कम फिल्मसको ब्यानरमा आलोक नेम्वाङ्गद्धारा निर्देशित दोस्रो चलचित्र 'कोही मेरो' को टिम प्रति सञ्चारकर्मीहरू  असन्तुष्ट भएका छन् ।

 

साङगेतिक लभ स्टोरीमा आधारित सो चलचित्रको अडियो विमोचनका लागि मंगलबार राजधानीमा आयोजना गरिएको एक कार्यक्रममा समाचार संकलनका लागि  निमन्त्रणा गरिएका केही सञ्चारकर्मीहरूलाई चलचित्रका टिमले अडियो सिडी नदिदा उनीहरू सो चलचित्रको टिम प्रति असन्तुष्ट भएका हुन ।

असन्तुष्ट हुनेमा रेडियोबाट समाचार संकलनका लागि कार्यक्रमस्थल पुगेका सञ्चारकर्मीलाई चलचित्रको टिमले टेलिभिजनको लागि मात्र सिडि वितरण गरिने भन्दै अडियो क्यासेट दिएका  थिएनन्  । यस्तै असन्तुष्ट रहेका सञ्चारकर्मीहरूले सो चलचित्रको टिमले गरेको ब्यवहार देखेर  रेडियो विना साङगेतिक  दुनिया अपूर्ण हुन्छ भन्ने कुरा कसैलाई थाहाँ नभएको भन्दै चलचित्र कोही मेरोले कसरी आफ्नो पब्लिसिटीलाई अगाडी बढाउछ भन्ने कुरामा शंका समेत ब्यक्त गरेका छन् ।
राजेश बंशलको प्रस्तुती रहेको उक्त चलचित्रमा नायिका झरना बज्रचार्य, संञ्चिता लुइटेल आर्यन सिग्देल र नव प्रस्तुतीका रूपमा सुवास थापाले मुख्य भूमिकामा अभिनय गरका छन् ।

यस्तै चलचित्रका विभिन्न ८ गित मध्ये चार वटा गितमा सुरेश अधिकारीले, तीन गितमा सुरेश राईले र एउटा गितमा बसन्त सापकोटाले संगीत भरेका छन्  भने ती गितहरूलाई दिपक लिम्बु, अञ्जु पन्त, सत्य-स्वरूप तथा शिव परियार र रजिना रिमाले स्वरबद्ध गरेका छन्  ।