विद्यार्थी तन्न सातु

हेटौडा, ३ भदौ- हेटौडाको फापरबारी स्थित देवकी माविले विद्यार्थीलाई आकषिर्त गर्न सातु कार्याक्रम सञ्चालन गरेको छ ।
 स्कुलमा पढ्न आएका विद्यार्थी बीचमै कक्षा छाडेर जाने गरेकाले स्कुलले यस्तो ब्यवस्था गरेको शिक्षक अर्जुन फुयँलले बताए । विद्यार्थील घरमा भुटेर ल्याएको मकैमा स्कुलले गेडागुडी र चामल मिसाएर घट्टमा पिध्ने गरेको छ । मकै, चामल र गेडागुडीको सातुमा नुन, चिनी हालेर विद्यार्थीलाई सातु खुवाउने गरेका छौ  उनले भने ।

स्कुलमा दिउसो सातु खुवाउने व्यवस्था गरेपछी विद्यार्थी स्कुलमा पूरै समय पढ्ने गरेका र अरू बालबालिका पनि आकषिर्त हुन थालेका छन् । स्कूलले गत बैशाखदेखि ५ कक्षा सम्मका विद्यार्थीलाई परीक्षणका रूपमा सातु कार्याक्रम थालेको हो । प्रभावकारी भएकाले दसैपछि १० कक्षासम्मका विद्यार्थीलाई सातु कार्याक्रम सञ्चालन गर्ने सोचमा छौ, साहायक प्रधानध्यापक खडग् बहादुर पुलामीले बताए । हेटौडाबाट करिब ५० किलोमिटरको दूरीमा रहेको उक्त विद्यालयम खाजाको समस्याले गर्दा टिफिन पछी ४० प्रतिशतभन्दा विद्यार्थी अनुपस्थित रहने गर्थे । यो कार्याक्रम सञ्चालन गरेपछी यस्तो समस्या हटेको पुलामीले बताए । अधिकांश तामाङ र मगर समुदायका बालबालिकामात्र अध्ययन गर्ने उक्त विद्यालयमा चार सय विद्यार्थी छन् ।