तरलता अभाव हुनुमा बैंक दोषीः गभर्नर

काठमाडौ, १८ चैत-  । नेपाल राष्ट्र बैंकका गभर्नर डा. युवराज खतिवडाले बजारमा तरलता अभाव हुनुमा बैंक तथा वित्तीय संस्था नै दोषी रहेका बताएका छन् ।

प्रेस चौतारी नेपालले काठमाडौंमा बुधबार गरेको अर्न्तक्रियामा गभर्नर डा. खतिवडाले बैंकहरूबीचको प्रतिस्पर्धाकै कारण बजारमा तरलता अभाव भएको जिकिर गरेका छन् । 'बजारमा सेयरको मूल्य बढाउने, सेयरधनीलाई राम्रो लाभांश दिने सोचले अनुत्पादक क्षेत्रमा गरिएको लगानीले जोखिमको सीमा नाघेको छ' गभर्नर डा. खतिवडाले भने यस्तै उनले  'बैंकहरू कर्जा प्रवाह गर्दादेखि नै सचेत नहु“नु र लगानीमा आपसी प्रतिस्पर्धाले नै जोखिमको सीमा नाघेको छ ।' खतिवडाले अनुत्पादक क्षेत्रमा गरिएको कर्जा प्रवाह घटाउने र उत्पादनशील क्षेत्रमा कर्जा बढाउने गरी मौद्रिक नीतिमा कर्डाई गरिने समेत बताए ।  अहिलेको समस्या समाधान, असीमित भारतीय रुपैया“को प्रवाह रोक्न, खस्किएको निर्यात बढाउन र अहिलेको आर्थिक समस्या सुल्झाउन मौद्रिक नीतिमार्फत कडा कदम चालिने उनको  स्पष्टोक्ति थियो ।


 मौद्रिक नीत्रि्रति बैंकर्स हरूलाई अत्यन्तै संवेदनशील हुन आग्रह गर्दै उनले 'कस्ट अफ फन्ड'का आधारमा व्याजदर निर्धारण गरी निक्षेप र कर्जाबीचको व्याजदरको फरक घटाउन पनि आग्रह गरेका छन्  । बजारलाई निरुत्साहित गर्ने गरी कुनै क्षेत्रमा कर्जा दिनुभन्दा उत्पादनशील क्षेत्रमा लगानी बढाएर राम्रा ग्राहकलाई वित्तीय सुरक्षा प्रदान गर्न बैंकहरूलाई उनले  निर्देशन पनि दिएका छन्  । 'यसका लागि केन्द्रीय बैंकले मौद्रिक नीतिमार्फ् वित्तीय उपकरण प्रयोग गर्छ । उनले  भने,  डा. खतिवडाले केन्द्रीय बैंकले भारतीय रूपैयाको कारोबारलाई पनि व्यवस्थित पार्ने भन्दै थोरै भारूको नगद कारोबार गर्न पाए पनि लाखौं भारू माग्नेलाई अन्य वित्तीय उपकरणबाट भुक्तानी गर्नुपर्ने बताए  । बैंकर्स  एसोसियसनका अध्यक्ष सशीन जोशीले निक्षेप कर्जा स्प्रेडदर सा“ढे तीन प्रतिशतमात्र रहेको तथ्यांक प्रस्तुत गर्दै मौद्रिक औजारमामात्र कडाइ गर्नुभन्दा पनि अहिले सुरक्षित अवस्थातर्फजानुपर्ने आवश्यकता औल्याए । नेपाल उद्योग वाणिज्य महासंघका अध्यक्ष कुशकुमार जोशीले चर्को ब्याजदरले उद्योगी व्यवसायी मारमा परेको भन्दै बैंक डुब्ने अवस्थामा उकास्न सक्रिय भएजस्तै टाट पल्टिने अवस्थाका उद्योगमा पनि यस्तो नीति लागू गर्न माग गरेका छन् ।

 'बैंक तथा वित्तीय संस्था डुबेको अवस्थामा उकास्न अर्थमन्त्रालयदेखि राष्ट्र बैंकसम्म लागि पर्छन् ' जोशीले भने 'यसैगरी उद्योग टाट पल्टि“दा जिम्मा लिने निकाय भए नेपालमा उद्योग तथा कलकारखानाको व्यवसाय कत्ति फस्टाउथ्यो ।' कार्यक्रममा पूर्व गभर्नर विजयनाथ भट्टराई, निजी क्षेत्रका प्रतिनिधिहरू, उद्योगी, व्यवसायी र सरोकारवालाहरूले अहिलेको आर्थिक समस्याबारे आ-आफ्नो धारणा राखेका थिए ।