मह उत्पादनमा ८० प्रतिशतले कमी

म्याग्दी,  २३ मंसिर- जलवायु परिवर्तनका कारण फलफूल तथा अन्य खाद्यान्न बालीहरूमा फूल फुल्ने र फल लाग्ने समय परिवर्तन हुँदा मह उत्पादनमा ८० प्रतिशतले कमी आएको छ।


म्याग्दीका ज्यामरुककोट, भकिम्ली, रत्नेचौर, पुलाचौरलगायतका गाविसका माहुरी चरनको अभावमा घार छोडेर अन्यत्र जान थालेपछि मह उत्पादनमा कमी आएको हो।

खै किन हो यस वर्षफूलहरू ढिलो फूले, हरियाली पनि नाशिँदै गयो, माहुरीलाई चरन अभाव हुन थालेपछि मैले पालेका चार घार माहुरी घारै छोडेर गए’,  झिम्किली ७ का टेकबहादुर थापाले भने- गत वर्षमह बेचेर ३० हजार आम्दानी गरेको थिएँ, यस वर्षत ३ हजार पनि उठेन।’

थापा मात्र होइन, म्याग्दीका करिब तीन दर्जन माहुरीपालक कृषकहरू माहुरीले घार छोडेर गएपछि र माहुरी भएका घारमा पनि मह उत्पादनमा कमी आएपछि चिन्तित बनेका छन्। विगत ९ वर्षेखि व्यावसायिक रूपमा नै माहुरीपालन गर्दै आएका ज्यामरुककोट-४ बिमिराबोटका भवदत्त शर्माले विगतका वर्षरूमा मह बिक्रीबाट वाषिर्क ५० देखि ७० हजार रुपियाँसम्म आम्दानी गर्ने गरेकोमा यस वर्ष११ हजार रुपियाँ मात्र आम्दानी भएको बताए। शर्माले ८ घार माहुरी पालेका छन्।

एक घार माहुरीबाट एक वर्षा ६ देखि ८ लिटरसम्म मह उत्पादन हुने गरेकोमा यस वर्ष१ लिटर पनि उत्पादन नभएको शर्माले जानकारी दिनुभयो। मह प्रतिलिटर ८ सय रुपियाँमा बिक्री हुने गर्दछ।

जिल्ला कृषि विकास कार्यालय म्याग्दीले यस वर्षजिल्लामा ८० प्रतिशतले मह उत्पादनका कमी आएको जनाएको छ।